Bərdə rayonu, Yeni Əyricə kəndində yanğın qeydə alınıb. Gunaz.az FHN-ə istinadən xəbər verir ki, Bərdə rayonu, Yeni Əyricə kəndində (rayon mərkəzindən 12 km aralı) vətəndaşa məxsus ümumi sahəsi 170 m² olan kürsülü, birmərtəbəli 5 otaqlı evin 3 otağının yanar konstruksiyaları 120 m² sahədə və ev əşyaları qismən yanıb. Evin qalan hissəsi yanğından mühafizə olunub. Yanğın saat 06:30-da yanğınsöndürənlər tərəfindən söndürülüb.