ABŞ-la yeni girov mübadiləsinə hazırıq.
GunAz.az xəbər verir ki, bu sözləri İran Xarici İşlər Nazirliyinin sözçüsü Abbas Musəvi deyib.
"İran və ABŞ arasında "inamsızlıq səddi” var. İmkan yaranarsa, yeni girov mübadiləsinə hazırıq. ABŞ-da həbsdə saxlanılanların sərbəst buraxılmalarını və ölkələrinə qayıtmalarını istəyirik”, - Musəvi bildirib.
Qeyd edək ki, ABŞ iranlı alim Sirus Əsgərini azad etdikdən bir gün sonra İran hakimiyyəti amerikalı veteran Maykl Uaytı sərbəst buraxmışdı.
