Tramp İranda 52 hədəfi vurmağa hazır olduqlarını söyləyərək, ABŞ-ın İrana qarşı raket müharibəsi başlatması ehtimalı ilə bağlı proqnozları təsdiqlədi.
Axar.az xəbər verir ki, bunu rusiyalı senator Aleksey Puşkov Tvitter səhifəsində yazıb.
“Amma İranın cavab olaraq bölgədəki ABŞ hərbi bazalarını vuracağı halda ABŞ hərbi əməliyyatı genişləndirməli olacaq. Və Tramp böyük müharibə ilə qarşı-qarşıya qalacaq”, - Puşkov bildirib.
Qeyd edək ki, ABŞ Prezidenti Donald Tramp İranın mədəniyyət abidələri də daxil olmaqla, 52 obyektinin hədəfə alındığı barədə açıqlama yaymışdı.
