Böyük Britaniyanın Baş naziri Boris Conson dekabrın 12-də erkən seçkilərin keçirilməsini istəyir.
O, parlament üzvlərinin erkən seçkilərə razı olduqları təqdirdə onlara Brexitlə bağlı anlaşmanı nəzərdən keçirmək üçün əlavə vaxt verəcəyini bildirib. Conson, Leyboristlər partiyasının lideri Ceremi Korbindən erkən seçkilərə dəstək verməsini istəyib. Qeyd edək ki, Boris Conson erkən seçkilərin keçirilməsi üçün üçdə iki səs çoxluğu əldə etməlidir. Xatırladaq ki, Avropa İttifaqının Brexit üzrə baş müzakirəçisi Mişel Barnier bu gün Brüsseldə Aİ səfirləri ilə keçirilən iki saatlıq görüşdən sonra Brexitin tarixi ilə bağlı heç bir qərarın olmadığını bildirib.