Banqladeşdə intensiv yağışların səbəb olduğu daşqınlar nəticəsində 17 gün ərzində azı 114 nəfər həyatını itirib.
Bu barədə "Daka Tribune" yerli hakimiyyət orqanlarının məlumatlarına istinadən xəbər verir.
Qeyd olunur ki, ölkədə yüz minlərlə insan təbii fəlakət səbəbindən evlərini tərk etmək məcburiyyətində qalıb.
Məlumata əsasən, 14,7 mindən çox insan xəsarət alıb. GunAz.Az-ın RT-yə istinadla verdiyi xəbərə görə, onlar su vasitəsi ilə yoluxucu xəstəliklərə tutulublar və ya müxtəlif xəsarətlər alıblar.
Daşqın Banqladeşin 28 rayonunda fəsadlara yol açıb.