Liviya sahillərində qeyri-qanuni miqrantları daşıyan qayığın batması nəticəsində 150 nəfər itkin düşüb. GunAz.az "Anadolu"ya istinadən xəbər verir ki, bu barədə Beynəlxalq Miqrasiya Təşkilatının (BMqT) Twitter səhifəsində yerləşdirilən məlumatda deyilir.
Məlumata görə, 145 nəfər xilas edilib.
BMT-nin Qaçqınlar üzrə Ali Komissarı Filippo Qrandi hadisəni "bu il Aralıq dənizində baş verən ən dəhşətli faciə" adlandırıb.
Xilas edilən qaçqınlar, batmış gəminin göyərtəsində təxminən 300 nəfərin olduğunu söyləyib.