Şoumen Vladimir Zelenski Ukrayna prezidenti seçkilərində liderlik edir.
GunAz.az bildirir ki, protokolların 10,27 faizinin hesablanmasından sonra Zelenski seçicilərin 29,66% səsini toplayıb.
Onun izləyicisi hazırki prezident Petro Poroşenko 16,83 faiz səs toplayıb. "Batkivşina" partiyasının lideri Yuliya Timoşenko isə 13,75% səslə üçüncüdür.
Ölkə prezidenti postuna 39 namizəd iddia edir.
Qeyd edək ki, Ukrayna prezidentinin səlahiyyət müddəti beş ildir. MSK aprelin 10-a qədər seçkilərin nəticələrini açıqlamalıdır. Namizədlərdən hər hansı biri birinci turda səslərin yarısından çoxunu yığa bilməsə, aprelin 21-i ikinci tur keçiriləcək.
