Moskvadakı görüşlərdə Bəşər Əsəd hökuməti ilə razılaşmanı ehtiva edən sənədi rusiyalı diplomatlara təqdim etdim.
GunAz.az xəbər verir ki, bu sözləri suriyalı kürdlərin diplomatik təmsilçisi Badran Jia Kurd deyib. O bildirib ki, suriyalı kürdlərin yekun qərarı Əsəd hökuməti ilə razılığa gəlməkdir:
“Nəyin bahasına olursa-olsun, ABŞ etiraz etsə belə, bu yöndə çalışacağıq”.
Kurd məhz Rusiyanın vasitəçiliyi ilə Əsədlə razılaşma əldə etmək istədiklərini əlavə edib:
“Bizim fikrimizə görə, Rusiya Dəməşqlə yeni üfüqlər açmağa çalışır. Biz bunu hiss edirik. Top artıq Dəməşqlə Rusiyadadır. Bu əsasla biz müzakirələr və dialoq apara bilərik”.(Axar.az)
