ABŞ-ın Nümayəndələr palatası Donald Trampın ideyası əsasında qanunsuz miqrantların qarşısını almaq məqsədilə Meksika sərhədində divarın inşasına büdcədən altı milyard dollara yaxın vəsaitin ayrılmasına razılıq verib.
GunAz.az TASS-a istinadən xəbər verir ki, bu maliyyələşmə Konqresin Nümayəndələr palatasının “Federal hökumətin işinin 8 fevral 2019 tarixinə kimi davam etdirilməsi və maliyyələşdirilməsi” haqqında qanun layihəsində təsbit olunub.
Sənədə əsasən, Meksika ilə sərhəddə tikinti işlərinin aparılmasına 5, 7 milyard dollar vəsait ayrılacaq.
Qanun layihəsinin qüvvəyə minməsi ABŞ Senatının müzakirəsinə çıxarılacaq. Senat tərəfindən təsdiqlənəcəyi təqdirdə prezident tərəfindən imzalanması üçün Ağ Evə göndəriləcək.