Barselonada Kataloniyanın müstəqilliyi ilə bağlı keçirilmiş referendumun ildönümü ilə əlaqədar etiraz aksiyası keçirilib.
“Qafqazinfo” xarici mediaya istinadən xəbər verir ki, 180 mindən çox insan küçəyə çıxıb. Regionun müstəqilliyi uğrunda çıxış edən aksiyaçılar “1 oktyabrı bərpa edək”, “Öz müqəddəratını təyin etmək insan hüququdur”, "Küçələr həmişə bizimdir”, “Müstəqillik” şüarlarını səsləndiriblər.
Qeyd edək ki, Kataloniyanın müstəqilliyi ilə bağlı keçirilmiş referendum Konstitusiya Məhkəməsi tərəfindən qanunsuz adlandırılıb.
***
Minlərlə aksiyaçı parlament binasına hücum edib. Polislərlə toqquşmalar zamanı çoxlu sayda etirazçı yaralanıb.
İspaniya hökumətinin rəsmiləri daxili müharibənin çıxa biləcəyindən narahatlıqlarını dilə gətiriblər.
