Ermənistanda xüsusi xidmət orqanları rəhbərlərinin telefon danışıqlarının KİV-də yayılması ilə bağlı qalmaqal səngimək bilmir.
GunAz.az xəbər verir ki, Ermənistan Milli Təhlükəsizlik Xidmətinin rəhbəri Artur Vanesyan və Xüsusi İstintaq Xidmətinin rəhbəri Sasun Xaçaturyan istintaqa cəlb ediliblər. Bu barədə erməni mediasına istintaq komitəsinin rəhbərinin köməkçisi Sona Truzyan xəbər verib.
Onların sorğu-sual edildikləri bildirilir.
Xatırladaq ki, Ermənsitanda sentyabrın 11-də Ermənistanın sabiq prezidenti Robert Köçəryan və KTMT-nin baş katibi Yuriy Xaçaturovun həbs edilməsi barədə Paşinyanın göstərişini müzakirə edən xüsusi xidmət orqanlarının başçıları arasında telefon danışığının səs yazısı yayılıb.
Faktla bağlı istintaq davam etdirilir. (Teleqraf.com)
