Ukrayna prezidenti Petr Poroşenko Krımın statusu ilə bağlı yeni qətnamə hazırlamağı tapşırıb.
GunAz.az “Ria Novosti” agentliyinə istinadən xəbər verir ki, yeni qətnamənin BMT Baş Assambleyasının növbəti sessiyasına kimi hazırlanması planlaşdırılır.
“Mən BMT Baş Assambleyasının növbəti sessiyasına kimi Krımla bağlı yeni qətnamə hazırlanması haqda diplomatlara tapşırıq vermişəm. Bu qərar Krımın statusu ilə bağlı hər hansı bir spekülasiyanın qarşısını almaq üçün verilib” – Poroşenko bildirib.
Qeyd edək ki, Ukrayna XİN Rusiya prezidenti Vladimir Putinin avqustun 4-də Krıma səyahətinə etiraz edib.
