Rusiyanın Xantı-Mansiysk Muxtar Vilayətində helikopter qəzaya uğrayıb.
Gunaz.az xəbər verir ki, bu barədə “İnterfaks” fövqəladə hallar xidmətindəki mənbəyə istinadən məlumat verib.
“Havadan bunun “Mİ-8″ helikopteri olduğu təsbit edilib. Bataqlıq ərazidə onun qalıqları aşkar edilib. Pilot, ehtimal ki, ölüb”, – mənbə bildirib.
Mənbənin sözlərinə görə, helikopter neft şirkətlərindən birinə aid ola bilər.
“Helikopter infrastruktura xidmət göstərib və ola bilsin ki, texniki səbəblərə görə sərt eniş edib”, – mənbə vurğulayıb.
