Türkiyə təhlükəsizlik orqanlarının əməliyyatları nəticəsində çox sayda terrorçunun zərərsizləşdirilməsi və terror qruplaşmasına insanların qoşulmasının azalması PKK-nın tarixindəki ən çətin vəziyyətə düşməsinə səbəb olub.
Gunaz.az virtualaz.org-a istinadən bildirir ki, əməliyyatlar nəticəsində öldürülənlərin yerinə döyüşəcək insan tapmayan terror qruplaşması cərgələrinə 2016-da 686, 2017-də 152 terrorçu qatıldığı halda, bu rəqəm 2018-ci ilin ilk aylarında cəmi 43-ə bərabər olub.
Çarəsiz vəziyyətdə qalan terror qruplaşması üzvləri təzyiq və zülmdən yaxa qurtarmaq üçün çarəni qaçmaqda tapıb. 2016-cı ildə 466, 2017-ci ildə 429 terrorçu təhlükəsizlik orqanlarına təslim olub.
