Polşada şaxtalı hava ilə əlaqədar ölənlərin sayı 60 nəfəri ötüb.
Gunaz.az xəbər verir ki, bu barədə Polşa hökumətinin təhlükəsizlik mərkəzi məlumat yayıb.
“Ötən günlər ərzində donvurmadan daha 2 nəfər dünyasını dəyişib” - deyə məlumatda bildirilir.
Ümumilikdə noyabrdan bəri Polşada donvurmadan ölənlərin sayı 63 nəfərə çatıb. Ölənlərin ən azı 25-i son 1 həftə ərzində güclü şaxta ilə müşayiət olunan çovğun nəticəsində dünyasını dəyişib.
Artıq bir neçə gündür ki, Polşanın əksər bölgələrində gündüz saatlarına temperatur mənfi on dərəcədən yuxarı qalxmır.
