İran prezidenti Həsən Ruhani Suriyanın diktator prezidenti Bəşər Əsədlə telefonla danışıb.
Gunaz.az xəbər verir ki, bu barədə Ruhaninin mətbuat xidməti məlumat yayıb. Verilən məlumata görə, danışıq zamanı Ruhani Soçidə keçirilən Rusiya, İran və Türkiyə prezidentlərinin Suriya üzrə görüşün yekunlarını müsbət qiymətləndirib.
“İran terrorla mübarizədə həmişə Suriya xalqı və hökumətinin yanında olacaq. Tehran Suriyanın bərpasında fəal iştirak etməyə hazırdır. Soçidə Suriya ilə bağlı keçirilən görüş uğurla yekunlaşıb. Bu görüş Suriyanın gələcək taleyi üçün xüsusi əhəmiyyət kəsb edir”, - deyə məlumatda bildirilib.
