İyulun 7-8-də Hamburqda keçiriləcək "G-20” ölkələrinin sammiti zamanı Rusiya və Türkiyə prezidentlərinin görüşü keçiriləcək. Bu barədə Rusiya Prezidentinin köməkçisi Yuri Uşakov bildirib. O qeyd edib ki, V.Putin Ərdoğanla Suriya məsələsinin nizamlanmasını müzakirə edəcək.
O qeyd edib ki, V.Putinin sammit çərçivəsində ümumilikdə 10-dan çox görüşü razılaşdırılıb. Rusiya Prezidenti Türkiyə liderindən əlavə, Fransa və Koreyanın prezidentləri, Yaponiyanın baş naziri, Avropa Komissiyasının sədri ilə bir araya gələcək.
Bundan başqa V.Putinin qısa – "ayaqüstü” görüşlər keçirməsi də planlaşdırılır. Bu sıraya Meksika və Cənubi Afrika Respublikasının prezidentləri, Avstraliyanın baş naziri daxildir. Sammitdən öncə isə BRİKS ölkələrinin qeyri-formal görüşü keçiriləcək.
