"Klon" seriallarının aktyoru Fransisko Kuoko vəfat edib.
GunAz.az xəbər verir ki, aktyor ötən gün 91 yaşında San-Pauluda dünyasını dəyişib. Xəstəxanaya yerləşdirilən aktyorun ölüm səbəbi açıqlanmayıb.
Bu barədə paylaşım edən Braziliyanın vitse-prezidenti Geraldo Alkmin Kuokonu ölkənin ən böyük sənətçilərindən biri adlandırıb.
Qeyd edək ki, Fransisko Kuoko 60 ildən çox davam edən karyerası ərzində bir çox film və seriallarda rol alıb. "Klon", "Daş cəngəllik", "Ölümcül günah", "Yeni qurban", "Astro", "Tropikanka"nı bunlara misal çəkmək olar.
