"Niderland faşizmin paytaxtıdır". Bunu Fransanın Meç şəhərində keçirilən mitinqdə çıxış edən Türkiyənin xarici işlər naziri Mövlud Çavuşoğlu deyib. Onun sözlərinə görə, Niderlandı demokratiyanın paytaxtı adlandırırlar: "Amma mən buna şübhə edirəm. Əslində o, faşizmin paytaxtıdır". Qeyd edək ki, Niderland hakimiyyəti Türkiyənin XİN rəhbərinin təyyarəsini bu ölkəyə buraxmayıb. Xarici işlər naziri Mövlud Çavuşoğlu Türkiyə konstitusiyasına dəyişikliklərlə bağlı referendum ilə əlaqədar təşviqat kampaniyası çərçivəsində Rotterdamda keçirilən mitinqdə iştirak etmək üçün Niderlandı ziyarət edə bilməyib.
