Xalq artisti Zülfüqar Abbasov vəfat edib.
Bu barədə xalq artsitinin yaxınları məlumat verib.
Bildirilib ki, o, uzun sürən xəstəlik səbəbindən 81 yaşında dünyasını dəyişib.
Qeyd edək ki, Z.Abbasov 1940-cı il may ayının 3-də Gürcüstan SSR-də Borçalı rayonunun Yuxarı Saral kəndində anadan olub. 1966-cı ildə Bakı Teatr İnstitutunu (indiki Mədəniyyət və İncəsənət Universitetini) bitirib. O, rejissor kimi əmək fəaliyyətinə İrəvan Dövlət Dram Teatrında başlayıb. Sonra Mingəçevir Dövlət Dram Teatrı, Qazax teatrlarında-baş rejissor, direktor və bədii rəhbər kimi çalışıb.
