Ermənistan silahlı qüvvələrinin törətdiyi təxribat nəticəsində bu gün şəhid olan Ayaz Azər oğlu Nəzərovun Tovuz rayon Bozalqanlı kəndindəki evinin qarşısında izdiham yaşanır.
Kənd sakinləri, rayon ictimaiyyətinin nümayəndələri şəhidimizin evi önünə toplaşıb.
Ayaz Nəzərovun sabah Tovuz rayonunda dəfn olunacağı gözlənilir.
Məlumat üçün bildirək ki, 24 yaşlı Ayaz Nəzərov ailənin ikinci oğludur. O, subay idi.
A.Nəzərov Silahlı Qüvvələrin tərkibində müddətdən artıq həqiqi hərbi xidmətdə olan hərbi qulluqçusu olub.
Allah rəhmət eləsin!
