Rusiyada yaşayan vətəndaşlarımız iki formada ölkəmizə gələ bilərlər. Bu sözləri Nazirlər Kabinetinin yanında Operativ Qərargahın brifinqində Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
O bildirib ki, ölkəyə qayıtmaq istəyən vətəndaşlar üçün quru və su yolu ilə marşrutlar müəyyən ediləcək və onlar növbəli şəkildə gətiriləcək:
"Aviasiya yolu ilə gəlmək istəyən vətəndaşlar isə alt sistemdə yerləşdiriləcək və bununla əlaqədar daha sonra açıqlama veriləcək".
