Nərminin qatili olduğu deyilən İlkin qohumu deyil, yaxınlıqda yaşayan İlkin adlı şəxsdir.
Bu sözləri açıqlamasında Tovuzun Dondar Quşçu kəndində qətlə yetirilən 10 yaşlı Nərmin Quliyevanın əmisi Lətif Quliyev deyib. O bildirib ki, hazırda İlkindən izahat alınır:"Onun qatil olması haqda bizdə məlumat yoxdur".Daxili İşlər Nazirliyinin mətbuat xidmətinin rəhbəri Ehsan Zahidov isə GunAz.az-a açıqlamasında Nərmin Quliyevanın qatilinin saxlanılması haqda yayılan məlumatların doğru olmadığını deyib.Qeyd edək ki, mətbuatda Nərmin Quliyevanın qatilinin onun qohumu - 36 yaşlı İlkin adlı şəxs olması və saxlanılması barədə məlumat yayılıb.