İran Nazirlər Kabineti ölkənin milli valyutasında sıfırlardan 4-ün götürülməsi qərarını verib.
GunAz.az İRNA istinadla xəbər verir ki, İran Nazirlər kabineti ölkənin milli pul vahidinin denominasiyasının həyata keçirilməsini təsdiqləyib.
Qərara əsasən milli pulun 4 sıfırı ləğv ediləcək. Bu isə o deməkdir ki, İranın 10 min riyalı 1 tümənə bərabər olacaq.
Mənbə bildirib ki, ölkə iqtisadiyatına təsirsiz ötüşməyəcək denominasiya qərarı ilə bağlı yeni detalları ölkənin Milli Bankı açıqlayacaq.
Qeyd edək ki, İranda milli pul vahidinin denominasiyası bundan öncə bir neçə dəfə müzakirəyə çıxarılıb, lakin infilyasiyanın artması təhlükəsinə görə bu addım hər dəfə təxirə salınıb.
