2019-cu ilin birinci rübündə ÜDM artımı 3%, qeyri-neft sektorunun inkişafı isə 1,7% təşkil edib.
GunAz.az xəbər verir ki, bunu Maliyyə Bazarlarına Nəzarət Palatasının sədrinin vəzifələrini icra edən İbrahim Alışov "Azərbaycanda Sığorta Bazarı: trendlər və imkanlar" Beynəlxalq Sığorta Forumunda çıxışı zamanı bildirib. Onun sözlərinə görə, bu, ötən ilin müvafiq dövrü ilə müqayisədə 16,2% artım deməkdir.
"Sığorta bazarının qeyri-neft sektorunda payı 1,9 təşkil edib . Bundan başqa, sığorta sektorunun maliyyə aktivlərində payı 2,9% təşkil edib və sevindirici haldır ki, artıq bu rəqəm 3,1%-ə çatır. Bu da ötən ilin birinci rübü ilə müqayisədə 13,3% çoxdur. MBNP fəaliyyətə başladığı dövrdən sığorta sektorunun aktivləri 64% artıb və həcmi 1,4 mlrd. manata çatıb", - deyə İ.Alışov əlavə edib.
N.SAFURA
