“SOCAR Petroleum” QSC 8 yanacaqdoldurma məntəqəsində (YDM) “Super” markalı yanacağın satışını həyata keçirir.
QSC-dən GunAz.az-a bildirilib ki, böyük sürücü kütləsinin “Super” (A-98) markalı yanacağa olan tələbatını nəzərə alaraq yalnız 8 müxtəlif ünvanlarda fəaliyyət göstərən “SOCAR” brendli YDM-lərdə bu yanacaq növünün satışı həyata keçirilir. Qeyd olunan yanacaq növünü aşağıdakı ünvanlarda fəaliyyət göstərən “SOCAR Petroleum” QSC-yə məxsus yanacaqdoldurma məntəqələrindən əldə etmək mümkündür:
• Bakı-Aeroport yolunun sağ tərəfi (keçmiş Sabunçu dairəsinin yaxınlığı);
• Bibiheybət məscidinin yaxınlığı (yolun sağ tərəfi);
• Bakı-Quba yolunun 28-ci kilometrində (yolun sağ tərəfi);
• Aeroport-Bakı yolunun sağ tərəfi (Bakı Olimpiya Stadionunun yaxınlığı);
• Babək prospekti (şəhər mərkəzi istiqamətində);
• Ziya Bünyadov prospekti;
• Nobel prospekti.
• Badamdar (maşın bazarının yanı).
Qeyd edək ki, Azərbaycanda “Super” markalı yanacağın satışı yalnız “SOCAR” brendi ilə fəaliyyət göstərən yanacaqdoldurma məntəqələrində həyata keçirilir. Xaricdən idxal olunan bu yanacağın qiyməti 1,60 manat/litr təşkil edir və “Euro-5” ekoloji standartın tələblərinə cavab verir.
