"Feysbuk" sosial şəbəkəsi "Votsap" messencerində ödəniş xidmətinin hazırlanması üzərində işləyir. Yeni funksiyanı Böyük Britaniyanın ərazisində sınaqdan keçirmək planlaşdırılır.
Teleqraf.com xəbər verir ki, "Votsap" sözügedən layihənin işə salınması üçün təxminən 100 mühəndis-proqramçı işə götürəcək. Əməkdaşların bir hissəsi Londonda, digər hissəsi "Feysbuk"un Dublindəki mənzil-qərargahında işləyəcək.
"Votsap" mobil və başqa platformalar üçün səs və videorabitə texnologiyasını dəstəkləyən populyar pulsuz mesajlaşma sistemidir. 2014-cü ildə "Feysbuk" şirkəti "Votsap"ı satın alıb.
