Beynəlxalq İdeal Sülhün Təbliği Fondunun
təsisçisi Əlikram Müzəffər Gunaz.az saytının qonağı olmuşdur.
- Dünyada baş verən hadisələr, terror,
müharibələr, millətlər, dinlər arasında qarşıdurmalar, anlaşılmazlıq olduğu halda
ideal sülhü necə qurursunuz və sərhədsiz dünya qurmaq fikriniz utopik
görünmürmü? - Adəmdən Hatəmə qədər bütün peyğəmbərlər
müsəlman olub. Onlar tək bir Allaha inanıblar. Müsəlman - tək bir
Allaha təslim olan deməkdir. "Parol tək bir O” adlı kitabımda və eyniadlı
filmdə (YouTube-da) bu haqda ətraflı yazılar mövcuddur. Mən
insanları üç yerə bölürəm: inananlar, inanmayanlar və münafiqlər. Münafiq
ikiüzlü, yalançı deməkdir. Bəşəriyyət tarixi bu günə qədər münafiqlərdən zülm
görüb. Bu gün də dünyada zülm davam edir. Bütün bunlar münafiqlərin naqisliyi
nəticəsində baş verir. "sən yaradılmışların ən üstünüsən” adlı kitabım əsasında
üç hissədən ibarət olan "İnsan” adlı filmdə bu suallara geniş cavab vermişəm. İnananlar
inanır ki, onlar etdiyi yaxşı əməllərə görə cənnətə gedəcəklər.
"Qurani-Kərim”də deyildiyi kimi bir cümlə ilə izah edək: "İman gətir və
yaxşılıq elə”. İnanmayanlara
da müraciət etmişik ki, siz inanmasanız da, yenə yaxşılıq edin ki, sabah
öləndən sonra sizi qəbirdən çıxartmasınlar. Ailənizlə yaxşı rəftar etsinlər. Bəşəri etiraf verilişini açmışıq. Məqsədimiz
bütün insanları millətindən, inancından asılı olmayaraq bu etirafı, yəni tək
bir Allah var, tək bir din var, Onu sevmək dini var və tək bir millət var:
insan milləti. Sizin sualınıza cavab olaraq "Tək bir O” filmində uşaqlar
deyiblər ki, gəlin bütün inananlara inanan deyək və Yaradanın tərəfdarları
deyək. İnanmayanları da ruhun sirri açılana qədər bir-birinə xoş, mehriban
baxmağa dəvət edək. Münafiqlər isə inanmadığı halda özünü inanmış
kimi göstərir və pis əməllərlə məşğul olur, inananların adına ləkə gətirirlər.
Münafiqlərə Allahı guya ki, aldatmaq asan gəlir, dövləti və xalqı aldatmaq isə
onlar üçün su içimi kimi bir şeydir. Allah bizi münafiqlərin şərindən qorusun. Müsahibəni apardı: Rauf İlyasoğlu
