Müğənni Nura Suri "Hüseyinova bacılar" verilişində qonaq olub.
Nura Suri verilişdə kanalların birində yaşadığı anlaşılmazlığa aydınlıq gətirib.
O, şəxsi həyatında heç kimin olmadığını etiraf edib: "Həmin kanalda aparıcı soruşdu ki,səni kimsə idarə edir, mənimlə görüşməyə icazə vemir? Mən də zarafatla dedim ki, yox, kimdi mənə "zapret" qoyan. Aparacının fikirlərini kəsib mənimkiləri vermişdilər. Camaat da elə fikirləşir ki, biz danışığımızı bilmirik.
Üç dəfə ailəli olmuşam, üç övladım var. Mənim bu dəqiqə ərə gedən vaxtım deyil. Elə adamlar var ki, 50 yaşına çatıb, ailə qurmayıblar. Onlar getsin fikir çəksin!
Sonra yenə aparıcı dedi ki, gözəl-göyçək qızsan niyə həyatında heç kim yoxdur? Dedim ki, eybəcərlərin bəxti yaxşı olur, gözəl qadınların yox.
Həyatımda kiminsə olmasını istəsəm olar. Nə problemim var ki. Sadəcə, ailə qurdum alınmadı. Uşaqlarım var və mənə belə rahatdır, həyatımı yaşayıram. Mənə hər dəqiqə nəyisə yapışdırmaq olmaz. Böyük oğlum var, yaxşı səslənmir axı. Vallah, artıq danışmağa qorxuram".
GunAz.az
