Şabalıd zəngin lif və karbonhidrat quruluşu ilə olduqca doyurucu bir meyvədir.
GunAz.az bildirir ki, şabalıd C və B vitaminləri ilə zəngin olduğundan immunit sistemini gücləndirir və soyuqdəymə ilə mübarizə aparmağa kömək edir. Tərkibindəki flavanoidlər sayəsində güclü bir antioksidandır və xərçəngə qarşı qoruyucudur. Tərkibində dəmir, kalsium, maqnezium və potasium kimi bir çox əhəmiyyətli minerallar var.
Şabalıdın bişirilmə formasına xüsusi diqqət yetirmək lazımdır. Birbaşa ocaqla təmas şablıdın yanmasına səbəb olur və bu da onun xərçəngə qarşı qoruyuculuğunu azaldır. Bununla yanaşı qovrulan şabalıdda vitamin itkiləri baş verərək qidalandırıcı təsiri azalır. Bişirmə üsulu olaraq suda qaynatma və ya sobada bişirmə ən faydalıdır.
