Təyyarə Fil dişi sahillərinin “Abican” aeroportundan qalxandan sonra qəzaya uğrayıb.
Gunaz.az “Reuters” agentliyinə istinadən bildirir ki, hava gəmisi şəhərin yaxınlığında dənizə düşüb.
Hadisənin təfərrüatları dəqiqləşdirilir. Təyyarənin tipi və sərnişinlərin sayı həmçinin məlum deyil.
Öz növbəsində, “Koaci” internet-portalı şəxsi mənbələrinə istinadən məlumat yayıb ki, təyyarə Ukrayna şirkətinə məxsusdur və yük təyyarəsidir. O, fransız hərbçiləri üçün təchizat daşıyırdı. Təxmin edilir ki, qəzaya səbəb artıq yüklənmə ola bilər.
Bəzi məlumatlara görə, ən azı dörd nəfər həlak olub.
