Almaniyanın "Bayern" klubu "Barselona"nın futbolçusu Filippe Koutinyonu heyətinə qatıb.
Münxen klubunun rəsmi saytı xəbər verir ki, braziliyalı futbolçu bir mövsümə icarəyə götürülüb.
Transfer "Bayern"in idman direktoru Hasan Salihamiciç çərşənbə günü Barselonada olarkən baş tutub. "Barselona" və futbolçunun özü ilə məhz həmin vaxt razılıq əldə olunub.
Qeyd edək ki, Braziliya millisinin üzvü olan 27 yaşlı F.Koutinyo ötən ilin yanvarında "Liverpul"dan "Barselona"ya keçib. Hazırda o, həmyerlisi Neymardan sonra dünyanın ən bahalı futbolçusu hesab edilir. Yeni bavariyalı İspaniya La Liqasında 52 oyuna 13 qol vurub.
