Türkiyənin Kastomonu ərazisindəki kəndlərdən birində yaşayan gəncin həyat hekayəsi hər kəsin marağına səbəb olub.
Metbuat.az xəbər verir ki, kənddə heyvan otararkən Ahmet Bulud adlı həmin gəncin olduğu yerdən sərnişin təyyarəsi keçib. Ona diqqətlə baxıb və oxuyaraq gələcəkdə təyyarə mühəndisi olacağına söz verib. Beləliklə o, ciddi şəkildə universitetə hazırlaşmağa başlayıb və sözünün üstündə duraraq həmin ixtisası qazanıb. Ahmet eyni zamanda universiteti də uğurla başa vurub.
Onun növbəti hədəfi isə ölkədə yerli təyyarə hazırlanması proyektinə qoşulmaqdır. O, bunun üçün hər yola baş vuracağını və həmin işi əldə etmək üçün əlindən gələni edəcəyini bildirib.
