34 yaşlı Nyu-York sakini şiddətli boyun və baş ağrılarından şikayət edərək xəstəxanaya müraciət edib. Müayinə zamanı bəlli olub ki, həmin şəxs bir neçə gün öncə ard-arda acı bibər istehlak edib.
Publika.az xəbər verir ki, həkimlər müalicə zamanı acı bibərin "Carolina Reaper" növünün insan orqanizminə ciddi ziyan vurduğunu müəyyənləşdiriblər. Analiz zamanı bəlli olmasa da, xəstənin kompyuter tomoqrafiyasının nəticələrində ciddi pozuntular müəyyən edilib. Həkimlər bir sıra nevroloji testlər aparıb. Nəticə olaraq çili istiotunun ən ağır növlərindən istifadə edən 34 yaşlı xəstənin beyin qan dövranı pozulub, beyindəki bir neçə arteriya zədələnib.
İldırım sürətli baş və boyun ağrılarının ilkin səbəbi olaraq xəstəyə "geriyə dönən serebral damarların vazokonstriksiyası" sindromu qoyulub. Bu xəstəlik tibbi preparatlara və ya narkotik maddələrə reaksiya kimi yaranır. İndiki halda isə kəskin istiot arteriyaların cırılmasına səbəb olub. Həkimlər bibərin orqanizmə mənfi təsirinin 5 həftə ərzində bədəndən təmizlənəcəyini deyib. Belə bir hadisə tibbdə ilk olsa da, daha əvvəl istiotun bu növünü istehlak edən şəxsin qida borusunda 2,5 santimetrə yaxın deşik açılmışdı.
Çili istiotunun növü olan "Karolina Biçinçisi" dünyada ən kəskin istiot növü kimi Ginnesin Rekordlar kitabına salınıb. Amerika kimyaçısı Vilburom Skovillom tərəfindən 1912-ci ildə hazırlanan "Skovilla" cədvəlinə görə (istiotların yandırıcılıq dərəcəsinə görə cədvəl) hər iki - sarı və qırmızı "Karolina Biçinçi" növü birinci yeri tutub.
Bununla belə, kəskin istiotların pərakəndə satışı davam etdirilir. Bəzən vətəndaşlar müxtəlif kafelərdə bu kəskin istiotları eləcə də onlardan hazırlanan sousları tələb edirlər. Məsələn, Atomic Kick Ass adlanan kəskin acılı sous yalnız əleyhqaz və əlcəklərin köməyilə hazırlanır.
