Həkimlər Kolumbiyada göz travması ilə təcili xəstəxanaya çatdırılan əsgəri əməliyyat etməkdən imtina ediblər.
Gunaz.az medicina.az-a istinadən xəbər verir ki, onlar xəstənin gözünün rentgenini çəkən mütəxəssislər dərhal əməliyyatxananı boşaldıblar. Heç kim əsgərə yaxın durmaq istəməyib. Buna səbəb isə pasiyentin gözündə əl qumbarasının yerləşməsi olub.
Həkimlər qumbaranın hər an partlayacağından ehtiyat edib, onu xəstəxanadan çıxarıblar. Qumbara zərərsizləşdirmə əməliyyatı bomba zərərsizləşdirənlərin də iştirakı ilə yaxınlıqdakı avtobus qarajında həyata keçirilib. Əməliyyat uğurla baş tutub.
Əsgər əməliyyatdan sonra sağ qalıb, amma bir gözündə görmə problemi yaranıb.
