Teyyub Qənioğlu: «Ermənilər Baydenin "soyqrım” ifadəsinin onları regionda daha çox təcrid halına gətirəcəyini başa düşəcək qədər ağıla da sahib deyillər»
ABŞ-ın prezidenti Co Bayden aprelin 24-də tarixdə qətiyyən baş verməyən, uydurma "erməni soyqırımı” ifadəsini işlətdi. Bayden bununla özünün və ABŞ-ın guya insan haqlarına qiymət verdiyini nümayiş etdirmək istədi. Amma unudur ki, tarixdə ən böyük soyqırımı məhz ABŞ yerli hindulara qarşı törədib, milyonlarla insanı yalnız hindu olduğuna görə məhv edib, doğma torpaqlarından didərgin salıb». Bunu «Azad Azərbaycan» qəzetinə Təkamül Partiyasının sədri Teyyub Qənioğlu bildirib.
Onun sözlərinə görə, özlərinin hindulara qarşı tarixən sübut edilmiş soyqırımını unudan Bayden heç bir zaman baş verməyən "erməni soyqırımı”nı tanımaqla özünü başını kola soxub gizləndiyini hesab edən dəvəquşuna bənzətdi: «Bayden bilməmiş deyil ki, "erməni soyqrımı” heç vaxt olmayıb».
T.Qənioğlunun fikrincə, Bayden onu da bilir ki, həm ABŞ, həm də Rusiya, eləcə də, bəzi Qərbi Avropa liderləri 100 ildir ki, qondarma "erməni soyqırımı”nı Türkiyəyə qarşı bir siyasi təzyiq vasitəsi kimi istifadə ediblər və bu beləcə də davam etməkdədir. Ancaq onu unudurlar ki, bu cür cılız siyasətlə Türkiyəni haqq yolundan döndərə, öz müstəqil siyasətini yürütməkdən vaz keçməyə, vassal olmağa vadar edə bilməyiblər və heç vaxt da buna nail ola bilməyəcəklər!
Partiya sədri bildirib ki, daim türklərə qarşı istifadə edilən alət rolunu oynayan, köçəri, insanlara məxsus bütün mənəvi keyfiyyətlərdən məhrum olan, qaniçən, yırtıcı, təcavüzkar bir
toplum olan ermənilərin sevinci gülüncdür: «Bu bədbəxtlər hələ də başa düşmürlər ki, ermənilərin taleyi nə ABŞ-ın, nə Rusiyanın, nə də Qərbi Avropa dövlətlərinin vecinə belə deyil, onlar yalnız regionda öz məqsədlərini güdən bu dövlətlərin əlində araqarışdıran maşadırlar: «Göründüyü kimi, ermənilər Baydenin "soyqırımı” ifadəsinin onları regionda daha çox təcrid halına gətirəcəyini başa düşəcək qədər ağıla da sahib deyillər. Hər şeydən göründüyü kimi 44 günlük müharibədə sarsıdıcı məğlubiyyətə uğrayan ermənilər hələ də ağıllanmayıblar. Deməli onları ağıllandırmaq üçün daha güclü dəmir yumruğa ehtiyac var. Hadisələrin gedişi bu yumruğun vaxtının yenidən yetişdiyini göstərir».
Bilman İSAQ
