Almaniya və Avropa Komissiyası Türkiyə ilə Yunanıstan arasında fikir mübadiləsi aparmaq üçün görüşlərə fokuslaşıb.
GunAz.az xəbər verir ki, bu barədə Cənubi Kipr Respublikasının hökumətinə yaxın olan media bildirir.
İqtidara yaxın "Fileleftheros” qəzeti qeyd edib ki, Türkiyəyə sanksiya tətbiqini istəyən yunan Kipri "sanksiya yerinə dialoq” deyə Avropa Birliyinin təzyiqlərinə məruz qalır.
İddia edilir ki, Cənubi Kipr Respublikası Türkiyəyə qarşı sanksiya məsələsində israr edib, ancaq Almaniya Kansleri Angela Merkel bunun qarşısını alıb.
Bildirilir ki, Avropa Birliyindən yunan iqtidarına "sanksiyalar gözləyə bilər”, "indi vacib olanı türk-yunan dialoqunun başlamasıdır" mesajı verilib.Teleqraf.com
