Prezident İlham Əliyev Ataxan Əvəz oğlu Paşayevin “Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb.
Gunaz.az xəbər verir ki, sərəncamla Azərbaycan Respublikasında arxiv işi sahəsində uzunmüddətli səmərəli fəaliyyətinə görə Ataxan Əvəz oğlu Paşayev “Azərbaycan Respublikası Prezidentinin fəxri diplomu” ilə təltif edilib.
Qeyd edək ki, Ataxan Əvəz oğlu Paşayev Azərbaycan Respublikası Milli Arxiv İdarəsinin rəisidir.
Milli Məclisin üzvü Məlahət İbrahimqızı da “Şöhrət” ordeni ilə təltif edilib.
Azərbaycan Respublikasının ictimai-siyasi həyatında fəal iştirakı ilə əlaqədar Məlahət İbrahimqızı prezidentin sərəncamı ilə “Şöhrət” ordeni ilə təltif olunub.
