Divarları yüksəltməklə miqrant probleminin öhdəsindən gələ bilməyəcəyik. Gunaz.az-ın məlumatına görə, bu sözləri Türkiyə Baş naziri Binəli Yıldırım ingiltərəli həmkarı Tereza Meylə birgə mətbuat konfransı zamanı ABŞ Prezidenti Donald Trampın Meksika sərhədində divar inşası qərarına münasibət bildirərkən deyib.
O bildirib ki, beynəlxalq birlik birgə bu problemin öhdəsindən gəlməlidir:
"Problemin kökünü aradan qaldırmalıyıq. Bu məsələni birlikdə həll edə bilərik. BMT-nin çətiri altında daha çox təşəbbüs göstərməliyik. Siz divar hörsəniz də, bir gün o çökəcək. Çünki dəyişikliyin qarşısında dayana bilməzsiniz. Regionlar problemləri xalçanın altına süpürməklə həll etmək olmur”.
