Müsəlman müğənni boşanandan sonra xristian oldu - foto
Tarix:
28-02-2017, 19:41
/ 6 780 dəfə oxundu.
"t.A.t.u" qrupunun keçmiş üzvü Yuliya Volkova 2007-ci ildə biznesmen Pərviz Yasinova ərə getdikdən sonra dinini dəyişərək İslamı qəbul etmişdi.
Cütlüyün kəbni də Dubaydakı məscidlərdən birində kəsilmişdi. Lakin bu evlilik uzun sürmədi və Samir adlı uşaqları olan cütlük 2010-cu ildə ayrıldı.
Bu günlərdə isə Yuliyanın yenidən xristianlığı qəbul etdiyi məlum olub. O, İnstaqramda kilsədə dua edərkən fotosunu paylaşaraq yazıb:
"Hər şeyə görə məni bağışla. Ürəyim sizinlədir".
Müğənni yenidən provaslav olduğunu təsdiqləyib:
"Mən öz inamıma və evimə qayıtdım. Amma Allah birdir, sadəcə ona gedən yollar fərqlidir. Hər kəs öz yolunu tapmalıdır".
