Aprel ayının 2-də Azərbaycan, Ermənistan və Rusiya xarici işlər nazirlərinin görüşü baş tutacaq. Rusiyada baş tutacaq görüşdə kommunikasiyaların açılması müzakirə ediləcək.
Bu barədə GünAz.az-a fikirlərini bölüşən politoloq Məhəmməd Əsədullazadə bildirib ki, Azərabaycan görüşə konkret təkliflərlə qatılmalıdır: "Birinci Ermənistan tərəfi Qarabağa rəsmi şəxslərini göndərməməli, ikincisi Ermənistan rəsmiləri Qarabağ münaqişəsi adından imtina etməli, üçüncüsü silahlı erməni birləşmələri Qarabağda ləğv edilməlidir. Eyni zamanda Ermənistan Qarabağa vəsait ayırmamalı, sülhməramlı qüvvələrinin fəaliyyəti dəqiqləşdirilməlidir. Rusiya tərəfi prosesi əngəlləyir və silahlı erməni birləşmələrinin ərazilərdən çıxarılmasında maraqlı görünmür”.
Politoloqun sözlərinə görə, Ermənisatan tərəfi kommunikasiyaların açılmasında maraqlıdır: "Amma sülhün əldə edilməsi üçün şərtlərin yerinə yetirilməsi mütləqdir. Rusiya isə, sülh müqaviləsinin bağlanmasında maraqlı deyil. Ermənistan tərəfi seçkiyə qədər Rusiyanın istəklərini yerinə yetirəcək. Seçkidən sonra isə, Ermənistanda siyasi mənzərə formalaşacaq. Ona görə də, rəsmi Bakı öhdəlikərin yerinə yetirilməsini konkret tələb etməlidir”.
