Türkay Cəfərli 05.11.1990 -cı ildə Bakı şəhərində dünayay göz açıb. Azərbaycan Mədəniyyət və İncəsənət Universitetinin teatr və kino aktyoru fakultəsinin məzunudur. İstedadlı gənc aktyor birçox seriallarda, filmlərdə uğurlu işlərə imza atıb və bu günə kimidə uğurlu işlərə nail olmaqda davam edir. T.Cəfərli səmimi açıqlamaları ilə Gunaz.az –ın həmsöhbəti oldu.
Türkay bəy, aktyorluq sənətiniz necə başladı?
- Aktyorluq sənətinə həvəsim 10-12 yaşlarımdan yarandı. Rasim Balayevin filmlərini maraqla izləyirdim, onu izlərkən deyirdim ki, “Məndə aktyor olmalıyam”, zaman-zaman içimdəki enerjini, istəyi, həvəsi hiss etdim sonrada “Niyə də olmasın” dedim və arzumun arxasıyca getdim.
Oynadığınız obrazlardan hansı sizə yaxındır?
- Əslində heç biri, bilirsiz niyə? Çünki canlandırdığım obrazlarda məndə olan və olmayan xüsusiyyətlər var. Oynadığım bir obrazda dindaram, digərində manyakam, başqa bir rolda tamamilə yaxşı insanam amma bu, o demək deyil ki, mən həyatda yaxşı insanam. Mənə elə gəlir ki, obrazların birçoxunda özümü tapa bilmərəm.
“Lal yuxu” serialında Ayxan obrazında rol almısız. Necə oldu, seriala təklif aldız?
- Çox maraqlı sualdır. “Lal yuxu” serialına qədər üç seriala təklifim var idi, sonra bu işlə bağlı zəng gəldi, gedib ssenari ilə tanış oldum və çox maraqlı gəldi persanaj mənə. Bilmirəm niyə, amma mənfi obrazlar məndə daha çox maraq doğurur. İlk başda söylədilər ki, müsbət obrazı canlandırım, çünki gözlərimdə yaxşılıq var, lakin sonda qərara gəldilər ki, mənfi obrazı oynayım və kütləni aldada bilim.
Serialda öz obrazınızdan başqa sizə təsir edən obraz hansıdır?
- Mənə ən çox təsir edən Aylinin rəfiqəsi Nilüfərin (Təranə Əliyeva) obrazıdır. Ayxanı bir zamanlar çox sevmiş lakin onun ədəbaz həyatını bildikdən sonra böyük xəyal qırıxlığına uğrayaraq anlayıb ki, sevdiyi insan normal insan deyil. Həmin persanaja çox üzülürəm.
Ailənizdən və dostlarınızdan rollarınız haqqında nə fikirlər alırsız?
- Çox müsbət fikirlər alıram, ancaq hər kəsin məni bəyənmək kimi bir istəyi ola bilməz. İnsanlar müəyyən hissəyə bölünür: video blogger sevən var, komediya aktyoru sevən var, dramatik aktyoru sevən var və məni də sevən insanlar bəyənir.
Aktyorluq sizin üçün nədir?
- Aktyorluq mənim özümdür, aktyorluq mənə zövq verir. Evə səhərə yaxın yorğun gəlsəmdə, o işin yorğunluğu belə mənə xoşdur çünki sevdiyim işdir. Baxmayaraq ki, bu ölkədə çətindir bu sahədə çalışmaq ancaq nə qədər şikayət etsəndə, əgər o işlə ürəyin döyünürsə başqa seçimin yoxdur.
Film, teatr və serial... Çoxmu fərqlidir bu üç sahədə aktyorluq?
- Bəli, təbii ki. Mənim üçün ən sevimli filmdir, film aktyoru olmaqdır, mənə zövq verən filmdir, vaxt məhdüdiyyəti yoxdur və zövqlə çalışa bilirsən. Bilirsiz, serial bir növ qazanc məqsədidir, teatr isə aktyorların ikinci evidir amma indi ki, dövürdə teatrda elə insanlar çalışır ki, aktyorluq sənətindən anlamır, qabiliyyəti yoxdur ancaq ona- buna qardaş deyə-deyə gəlib aktyor olur. Mən bunu edə bilmərəm, əgər məni kimsə istəyirsə dəvət edəcək məndə canla-başla gedib çalışacam teatrda.
Hansı janrda çalışmaq istərdiz, bununla bağlı bir xəyalınız var?
- Ən böyük xəyalım tarixi obrazı canlandırmaqdır.
Sevənlərinizə buradan nə demək istərdiz?
- Sevənlərimə minnətdaram, çox sağolsunlar, dəyər verdikləri üçün. Yaxşı filmlər, yaxşı işlər inşallah olacaq, gözləyin.
Çox sağ olun, Türkay bəy.
- Siz sağ olun, Səidə xanım.
Səidə Seyidova
