Gənclərin izi ilə.
Tural Ələkbərov 19.02.1992 –ci ildə İmişli rayonunda ailənin kiçik övladı olaraq dünyaya göz açıb. Uşaqlıqdan aktyorluq sənətinə yaranan həvəsi zaman-zaman ən böyük arzusuna çevirilir və bu arzu Tural bəyi Azərbaycan Dövlət Mədəniyyət və İncəsənət Universitetin rejissorluq bölmünə qədər aparır. İstedadlı gənc aktyor, iş kariyerasında uğurlu işlərə imza atmaqla yanaşı moda təşkilatçılığında da özünü doğruldaraq fəaliyyət göstərməkdədir.
“Cehizsiz Gəlinlər” serialında Elşən obrazı ilə bir çoxlarına tanışsız. Bu serialda bir çox tanınmış və dəyərli sənətkarlarla birlikdə sizi gördük və iş kariyeranızda böyük uğur olduğunu deyə bilərik, amma gələcəkdə hansısa sənətkarımızla bir səhnəni bölüşmək istəyiniz varmı?
-“Cehizsiz Gəlinlər” serialında çox gözəl, dəyərli, yetərincə təcrübəli aktyor və aktrisalarımızla çalışmışam. Baxmayaraq ki, seriala gələndə o qədərdə təcrübəm yox idi. Bir ailənin yaşadıqlarından bəhs edirdi. Cəmilə Tağızadə ( Hicran), Günay Əhməd (Qəmər), Rumiyyə Ağayeva (Zülfiyyə), Nuray Rəhman (Gülay) və mən olmaqla əsasən gənclər təşkil edirdi. Başqa ab-hava vardı, çox başqa rejissorluq və yanaşma var idi. Sizin gördüyünüz bütün səhnələr realdı. Sanki həqiqətən bu ailə mövcuddur və orada yaşananları həyatda yaşayırdıq. Gələcək zaman üçün təbii ki, böyük addımlar atmaq istərəm, nəyin ki, yerli lahiyələr hətda beynəlxalq lahiyələrdə də aktyor kimi çıxış etmək istiyirəm. Xarici teatr festivallarında dəfələrlə iştirak etmişəm. Ən çox istəyimdə odur ki, avropada təşkil olunan teatr festivallarına öz kollektivimlə qatılam. Biraz başqa dünyanın təcrübəsini görək, oradakı insanları tanıyaq, çünki hər bir şeydən, hər kiçik şeydən öyrənərək təcrübə qazanmaq mütləqdir.
Bu günə kimi hansı obrazlara həyat vermisiz?
-“Cehizsiz Gəlinlər”, “İmtahan” seriallarında Elşən və Ceyhun obrazlarını canlandırmışam. İlk uğurum 10 yaşımda, teatr dərnəyində Abdullah Şaiqin “İddializim və İnsanlıq” əsərinə tamaşa qurulmuşdu, məndə həmin tamaşada İddializimliyi oynuyurdum. İlk canlandırdığım obraz o, olub və həmin obrazdan sonra universitet vaxtlarında müxtəlif əsərlərdə rollarım olub. Bu aktyor üçün tükənməz bir hissdir, yenədə yaratmaq, obrazlara həyat vermək istəyirəm.
Hədəflərinizdən və xəyallarınızdan danışa bilərsiz?
- Hədəflərim və xəyallarım... (düşünür). Bu sualı heç zaman mənə verməmişdilər. Deyirlər gərək bu həyatda insanın məqsədi olsun, məncə insanın ən böyük məqsədi insanlığa tərəf olmalıdır, qarşılarına nə qədər məqsəd qoyurlarsa, qoyusunlar. Heç zaman insanlıq məqsədlərini unutmamalıdırlar. Xəyallarım çox genişdir lakin insan zamanla anlıyır ki, bunlar yalnız xəyal olaraq qalacaq amma bəzən başqa cürdə olur, hal-hazırda gəldiyim yerlər, bir zamanlar uşaqlıq xəyallarım olub və bunlar mənim üçün çox uzaq idi, lakin bu xəyallarım gerçək olub və “Belə də olarmış” deyərək, özümdə təccüb etmişəm. Buna görədə ümidimi kəsmirəm xəyallardan, ola bilsin ki, hansısa xəyallarım nə vaxtsa həyata keçsin.
Ən böyük dəstəkçiniz və əngəl olmaq istəyənlər yəqin ki, mütləq olmuşdur . Kimlər dəstək, kimlər əngəl oldu?
- Bu yolda çox çətinliklər görmüşəm. Məsləhət alıram amma çox zaman öz düşüncələrimlə hərəkət edən insanam. Hər kəsdən fikir alaram, məsləhətlərini dinləyərəm lakin düşüncələrimlə üst-üstə düşməyən fikirə “Hə” demərəm. Sizə səmimi deyim ki, qarşı çıxanlar, arxamca danışan insanlar çox olub. Bunları özümə çatdırıblar, kimlərsə arxamca bu işləri görür, amma onların üzünə etdiklərini vurmamışam . Sadəcə gülürəm, münasibətlərimi kəsmirəm, dostluğumuza da davam etdirirəm. Demək ki, bu həyatda nələrsə edə bilmişəm ki, həmin insanlarda arxamca iş görürlər, nələrsə danışırlar. Bu təbii haldır.
Tural bəyin, dünyası... Biraz danışa bilərsiz?
- Tural bəyin, dünyası...(düşünür). Kifayət qədər maraqlı sualdır. Mən, daima başqalarının dünyası ilə yaşamağa yox, əksinə insanları öz dünyama çəkməyə çalışmışam . Uşaqlıqdan liderliyə meyilli olmuşam, istəmişəm ki, insanlar mənim fikirlərimə xidmət etsinlər. Çox zaman bu, məndə alınıb. Böyük dünya qura bilməmişəm yalnız kiçik dünya, idealogiya yaratmışam və insanları onun ətrafına cəlb edə bilmişəm.Bu günün özündə əksər dostlarım mənimlə ünsiyyətdə, dünyamda olmaqdan məmnundurlar. Dünyama daxil etdiyim insanları narhat etmək istəməmişəm əksinə çalışıram ki, öz dünyamda olan insanları xoşbəxt edim. Mənim kiçik dünyam var və bu kiçik dünyada, insanlara xoşbəxtlik vermək istəyirəm. Təsəvvür edin ki, hər insan öz dünyasında insanlara xoşbəxtlik versə görün dünya necə gözəl bir yer olar. Bəzi insanlar var ki, idealogiyaları və xəyalları ilə insanlara ziyan vurmaq istəyir. Fikirlərdən, xəyallardan çox şey aslıdır. Amma mənim dünyam xoşbəxtlikdən ibarətdir, hər problemdə, çətinlikdə yalnız öz xoşbəxtliyini tapmaqdır.
Bir gənc aktyor olaraq sizdən soruşmaq istərdim, yerli seriallara maraq nə qədərdir və seriallarmız insanlara necə mənəvi təsir göstərir?
- Azərbaycanda yerli seriallara təlabat böyükdür həm də çox yaxşıdır. Serialları və gündəmləri izləyən biri kimi deyə bilərəm ki, bir neçə seriallar insanları marifləndirir və nədəsə yardım etməyə çalışırlar. bəziləri isə reytinq, məşhurluq, efir xatirinə nələrsə edirlər, bu doğru deyil. Özümdən götürə bilərəm ki, öyrəndiklərim, formalaşan ideyalarım, müsbət xüsusiyyətimi baxdığım filmlərdən götürmüşəm. Orada gördüyüm müsbət qəhramanlardan, onların etdikləri yaxşılıqlardan öyrənmişəm və bu məndə müsbət hisslər oyandırıb. Bu günün özündə də, uşaqlar seriallara, filmlərə baxanda müsbət və mənfi qəhramanların hərəkətlərinə diqqətlə fikir verir. İbrət götürüləcək seriallar, filmlər və marifləndirici verlişlər olması çox yaxşıdır. Bu bizim gələcəyimizdir bununla oynamaq qətiyən olmaz, çox təhlükəlidir. Bizim verəcəyimiz yanlış bir mesaj, böyük fəsatlar verə bilər.
Yeni iş təklifləriniz var?
- Aktyor kimi, bu gün təklif gözləyirəm.Filmlərdə, seriallarda fərqli xarakterlər yaratmaq istəyirəm. Sizə necə deyim, aktyor bir xammaldır, onu emal edəcək sex lazımdır, bir rejissor, film direktorları lazımdır. Yeni təkliflər gözləyirəm, canla-başla hazırlaşıram ki, iş təkilifi olsun çünki əsas istəyim aktyorluq sənətidir. İkinci işim “Feshin” gözəllik yarışması, “Kids Show” lar, mükafatlandırılma mərasimləri üzrə təşkilatçılıqdır. İndiyə kimi bu sahədə kifayət qədər təcrübəm var. Moda ilə bağlı Azərbaycandan və dünyanın hər bir yanından təkliflər daima olur və hər zamanda olacaq. İnşallah, özümdə film çəkmək istəyirəm lakin, özümü nə vaxt bu sahədə yetişmiş hiss etsəm, öz dünyamdan çıxış edərək maraqlı bir film çəkəcəm.
Elə olub ki, hansısa obrazda özünüzü tapmısız?
-“Cehizsiz Gəlinlər” də bir səhnə var idi, Günay Əhməd və mən xəstəxanada barışırıq. Səhnə hardasa 6 dəqiqə davam edir heç bir kadr dəyişmədən, mən üzür istəyirəm və biz barışırıq. Heç biz hazırlaşmamışdıq. Sözlər mənə o qədər doğma gəlmişdi ki, kövrəldim. Artıq bir söz deməmişdik bir-birmizə baxdıq və ağlamağa başladıq, hər şey gözlərdəydi sadəcə... O, sözlər, o, anlar sanki Elşən obrazına yazılan sözlər deyildi, mənim içimdən gələn sözlər idi, bir vaxtlar demək istədiyim və deyə bilmədiyim sözlər idi. Həmin səhnə serialda və kariyeram ərzində ən yaxşı hissəm oldu. Bu çox zaman baş verir, daxilinə sözlər toxunur, bəzən hiss edirsən ki, bu həqiqətən içimdə qalan, nə vaxtsa etiraz edərək demək istədiyim sözlərdi. Bu mənəm, bu obraz mənimdir deyə bilirsən.
Səmimi söhbətə görə sizə təşəkkür edirəm.
- Çox sağ olun, Səidə xanım.
Səidə Seyidova
