Kimdən ilham alaraq bu sənəti seçmisiz?
-Əslində kimdənsə ilham alacaq yaşda deyildim bu sənəti seçmək üçün, anam hiss etmişdi ki, səsim var. Bilmirəm yadımda deyil kimsə televizorda mahnı oxuyurdu məndə uşaq yaşlarımdaydım ona baxıb qazanın qapağını götürüb qulağıma tutaraq oxumağa çalışmışam, dəfələrlə bunu təkrarlamışam və anam bunu görəndə anlayıb ki, musiqiyə həvəsim var. Anam dedi ki, biraz keçsin səni musiqi məktəbinə yazdıracam. Düşünürdüm ki, musiqi məktəbi, dərsləri və oxumaq necə olur? Mən də buna uyğun yavaş - yavaş addımlar atırdım. 1998-1999-cu illər olardı anam, məni apardı musiqi məktəbinə, səsimi dinlədilər və həqiqətən istedadlı olduğumu görən kimi vokal sinifinə qəbul etdilər. 5 il musiqi məktəbini oxumuşam. Musiqiyə gəlmək tarixçəm belə olub.
Ən çox kimlər dəstək oldu irəli getməynizə?
-Universitet vaxtlarından professional mahnılar, oranjirovkalar və bəstakarlardan mahnılar almağa başlamışam. 2004 - 2008 -ci illərdə unversit oxumuşam, ən çox 2005 - ci ildən bu sənət üzərində əsirəm ki, daha yaxşı bəstələr, mahnılar olsun ki, oxuyum. Bu işə başlayanda bəstakar, oranjirovkaçı həm də qrup yoldaşım Tərlan Məmmədhüseyinov mənə çox dəstək olub və hələ də dəstək olmaqdadır. Bu işə Tərlanla başlamışıq amma zaman keçdikcə tanıdığım dostlarım var ki, “Bozbash Pıctures” in aktiyorları: İlkin, Azər, Elşən, Nicat bunlar mənə daha çox dəstək olublar, çox sağ olsunlar hələ də dəstəklərini əsirgəmirlər və ailəm başda olmaqla.
Bir çoxları sizi müğənni Elçin Cəfərovla birlikdə ifa etdiyniz “Sənə Demədimmi” mahnısı və “Aromatik” mahnısının maraqlı kilpi ilə tanıyıb. Bunun kimi, uğurlu işlərinizin davamı olacaq?
-Bəli olacaq, biz elə neçə vaxtdır bunu fikirləşirik ki, nəsə maraqlı bir iş görək, daha doğrusu artıq seçimlərmiz var, onların arasından daha yaxşısını seçməyə doğru irəliləyirik. İnşallah, tezliklə uğurlu bir iş alınar. Allah qoysa Elçin Cəfərovla bir işimiz olmalıdı, bu barədə onunla danışmışıq. Hərdən gördüyün işi zamanın ixtiyarına buraxmaq lazımdır, zaman özü çox şeyi həll edir. Yəqin ki,tezliklə yeni bir iş alınacaq.
Əsasən hansı janrlara üstünlük verirsiniz?
-Əsasən mən vokal sinifini bitirmişəm və sonradan estradaya meyilli olmuşam. Estrada, pop janrlarına daha çox üstünlük verirəm, birdə ki, mənim playlistimi dinləyən insan bilir ki, el musiqiləri, oyun havaları oxuyuram. Düzdü oyun havaları oxuyuram amma öz janrma uyğun, öz səsimə düşən tərzdə oxuyuram. Muğam mənim səsimə uyğun deyil deyə bu günlərdə oxumağı düşünmürəm amma zaman keçdikcə insanam, ola bilsin səsimdə hansısa özəliyi tutsam oxuya bilərəm. Muğamı sevirəm, muğam oxumasamda dinləməyi xoşlayıram. Mənim mahnılarımda hiss olunur ki, estrada, pop janrlarını oxumağa üstünlük verirəm.
Bildiyimə görə, “Qaya” qrupunda solist olaraq fəaliyyətdəsiniz. Necə oldu ki, “Qaya” qrupunda fəaliyyətə başlamaq qərarına gəldiniz?
-Ümumiyyətlə “Qaya” qrupuna mən yazılmamışdan öncə “Qaya” qrupunun konsertlərində olurdum əvvəlki adı “Bəri Bax” qrupu idi, bir dəfə onların konsertində olmuşam. Zaman keçdikcə “Qaya” qrupu olub. “Qaya” qrupununda konsertlərində iki, üç dəfə olmuşam. Həmişə onları izləyərkən heyranlıqla baxaraq, ay Allah nə gözəl qrupdur, nə gözəl fərqli səslər, tempirlər və hansısa mahnını jazz üslubunda oxumaqları mənə çox maraqlı gəlirdi. Mən də oxuyan müğənni kimi, gedirdim konsertlərinə amma hər zaman fərqli tərəfdən baxmışam onlara. Onların işi əsil sənətdir, əsil musiqiçilərdir. Orda oxumaq savad, güclü musiqi duyumu tələb edir. Musiqinin içində olmaqla yanaşı musiqi dünyası sənin qəlbində və beynində o qədər yüksək olmalıdır ki, o qrupda oxuyasan. Bir qədər zaman keçdikdən sonra, dostum Elvin bir dəfə mənə dedi ki, bir qrupa solist axtarırlar mənə deyiblər ki, oxuyan biri varsa bizə de, mən də düşünmədən razılıq verdim. Əslində mən ora gedənə qədər bilmirdim ki, “Qaya” qrupuna gedirəm, içəri girəndə Rauf Babayevi görəndə anladım ki, mən “Qaya” qrupuna gəlmişəm. Şölə Səfərəliyevanı görəndə daha da məmnun oldum ki, dəqiq mən “Qaya” qrupundayam. Mən də saçım dağınıq, saqqallı olduğumdan, Rauf müəllim məni görən kimi, rep oxuyanlara bənzətdi (gülür). Məndən soruşdu ki, hansı janrda oxuyursan, mən də dedim ki, vokal sinifini bitirmişəm , üzümə deməsə də, mənə elə baxırdı ki, hiss edirdim ki, mənim vokal sinifini oxuduğuma inanmır. Bir mahnı oxumağımı istədi, “Sənədə Qalmaz” oxudum biraz təsirlənmiş kimi oldu, üzümə baxaraq “aha bu olsun” dedi, sonra ikinci mahnı oxumağımı istədi. “Zibeydə” ni o, ifa etdi mən də oxudum, bu mahnıdan sonra ona daha da maraqlı gəldim. Səsimi dinlədikdən sonra qərar verdi ki, sən gəl – get bura mən baxacam amma təbi ki, bunu özün də istəməlisən. Mən də bu qrupa olan marağımı, həvəsimi və bu qrupda çalışmaq , böyük zövq alacağımı bildirdim. Qrupda solo oxumağımı biləndə heç bir problemin olmadığını dedi. Mən qrupda oxuduqca bəyənildim və özümə də xoş oldu ki, həmin qrupda solistəm və bu gün də solist olaraq fəaliyyət göstərirəm, və uşaqların hamısı ilə də mehirbanıq.
Boris bəy bugünkü və qarşıda olan bütün işlərnizdə sizə uğurlar arzu edirəm.
-Çox sağol, Səidə xanım.
Səidə Seyidova