Fevralın 23-ü Yaponiyada 112 yaşlı Niiqata Titeçu vəfat edib.
GunAz.az xəbər verir ki, Ginnesin Rekordlar Kitabına görə, o, 2020-ci ilin fevral ayının əvvəlində rəsmi olaraq, Yer kürəsinin ən yaşlı adamı hesab olunurdu. Bu barədə məlumatı fevralın 25-də “Kyodo” agentliyi yayıb.
Niiqata 5 Mart 1907-ci ildə anadan olub.
Dünyadakı ən yaşlı insan adının əvvəlki sahibi də Yaponiya sakinidir. 113 yaşlı Masazo Nonaka ötən il yanvarın 20-də vəfat edib.
Yaponiyalılar ənənəvi olaraq dünyanın uzunömürlüləri reytinqində ən yüksək yerləri tuturlar.
Belə ki, Yaponiyanın ən yaşlı qadını - 117 yaşlı sakini Kaan Tanaka hazırda Ginnesin Rekordlar Kitabına görə dünyanın ən yaşlı insanı adının sahibidir.
