Aİ-98 super markalı benzinin qiymətinin bahalaşması istehlak bazarında qiymətlərə təsir etməyəcək. GUNAZ.az-ın məlumatına görə, bu barədə Trend-ə Azərbaycan Tarif (qiymət) Şurasından bildirilib.
"Bu marka benzinin Azərbaycanda istifadəsi minimaldır - Aİ-98 super yalnız "lüks” avtomobillərdə istifadə olunur. Bu səbəbdən onun qiymətinin artmasının istehlak bazarında qiymətlərə təsir göstərəcəyi barədə danışmaq düzgün deyil”, - Şuradan qeyd ediblər.
Tarif Şurasından həmçinin bildirilib ki, bu marka benzinin Azərbaycana idxal edildiyi üçün onun qiyməti dövlət tərəfindən tənzimlənmir.
Qeyd edək ki, ölkəyə Super Euro-98 markalı benzin, əsasən, Bolqarıstan, Rusiya, Rumıniya və Belarusdan idxal olunur.
Xatırladaq ki, bu gün Aİ-98 super markalı benzinin qiyməti 1,20 manatdan 1,30 manata artıb.
