Bu gün UEFA Çempionlar Liqasında 1/4 və yarımfinal mərhələsinin püşkü atılacaq.
"Report"un məlumatına görə, İsveçrənin Nyon şəhərində keçiriləcək tədbir Bakı vaxtı ilə saat 15:00-da başlayacaq.
1/4 finalda Almaniyanın "Bavariya", "Borussiya" (Dortmund), İngiltərənin "Çelsi", "Liverpul", "Mançester Siti", Fransanın PSJ, İspaniyanın "Real Madrid" və Portuqaliyanın "Portu" klubu iştirak edəcək.
Qeyd edək ki, 1/4 finalın ilk oyunları 6 - 7 apreldə, cavab qarşılaşmaları isə 13 - 14 apreldə gerçəkləşəcək. Yarımfinalın ilk görüşləri 27 - 28 apreldə, cavab qarşılaşmaları 4 - 5 mayda olacaq.
