İtaliyanın “Milan” klubunun sabiq futbolçusu və hazırkı məşqçisi Genaro Qattuzo istefaya göndərilib.
AZƏRTAC xəbər verir ki, buna səbəb klubun İtaliya A Seriyasında 5-ci yer tutması olub. Komanda bu nəticəyə əsasən UEFA Çempionlar Liqasına vəsiqə qazana bilməyib.
“Bu asan qərar deyil. Mən getməyə məcburam. Çünki buna klub rəhbərliyi qərar verib. Məndə bu fikrə hörmətlə yanaşmalıyam. “Milan” klub olaraq hər zaman mənim qəlbimdədir”, - deyə Qattuzo bildirib.
Komandanı çox ehtimalla “Samdoriya”nın hazırkı məşqçisi Marko Campaolo əvəz edəcək.
