Gimnastımız Avropa çempionatında qızıl medal qazandı

Bakıda – Milli Gimnastika Arenasında keçirilən batut, ikili mini-batut və tamblinq üzrə 26-cı Avropa çempionatında Azərbaycan millisinin üzvü Mixail Malkin uğurlu çıxışla yadda qalıb.

Gunaz.az xəbər verir ki, İdmançımız qızıl medal qazanıb. Tamblinq yarışında 77,400 bal toplayan M. Malkin bütün rəqiblərini qabaqlayaraq Avropa çempionu olub.

İkinci yerdə danimarkalı Adam Mathiesen, üçüncü yerdə isə rusiyalı Vadim Afanasyev qərarlaşıblar.