Albaniya təmsilçisi "Kukesi”dən qalmaqallı şəkildə ayrılan həmyerlimiz Rauf Əliyev “Qəbələ” ilə razılığa gəlib.
Gunaz.az xəbər verir ki, 29 yaşlı hücumçu 2019-cu ilin yayına qədər komandanın şərəfini qoruyacaq.
O, 2017-ci ilin ikinci yarısından etibarən legioner həyatı yaşayıb. Rauf karyerası ərzində "Qarabağ” (2006-2013), "Bakı” (2013-2014), "Xəzər Lənkəran” (2014-2015), "Neftçi” (2015), "İnter” (2015-2017) klublarının da formasını geyinib.
Rauf Əliyev 2010-cu ildə debüt etdiyi Azərbaycan yığmasında keçirdiyi 45 oyunda 7 qol vurub.
